Aðalsteinn Baldursson sterkur

Aðalsteinn Baldursson var góður í Silfri Egils í dag. Aðrir þáttakendur í umræðunum sátu og hlustuðu af athygli á hans sýn á þjóðina sem hefur það best í heimi. Það sem gerir málflutning hans svo sterkan er að hann veit nákvæmlega um hvað hann er að tala enda skeleggur talsmaður “hinna vinnandi stétta” til margra ára.

Hann afgreiddi líka málflutning Kolbrúnar Halldórsdóttur um “eitthvað annað” sem fólk á að fara að vinna við, með einföldu rothöggi. Sýndi fram á með rökum að það hefur ekkert annað komið fram en álver á Bakka, með nýtingu jarðvarma á Þeistareykjum og við Kröflu, sem er raunhæfur kostur fyrir Húsavík og nágrenni. Hvet fólk eindregið til að horfa á Silfur Egils.

Athugasemdir

[Jóhannes (IP-tala skráð) 2.12.2007 kl. 17:24]

Já virkilega frambærilegur verkalýðsforingi! Vantar fleiri svona alvöru foringja!!!